عذبة الريح والتسبيــح يا ارض البشــــاير
ياعروس الندى والمبتدا والختـــــــام
عن عيون التعب والغربه اطــوي الستاير
خلي الصبح يبذر في يديك الســــــلام
ارقصي فوق متن الغيم والشوق ثــــــاير
واقطفيها.. قناديل وهديل وحمـــــــام
غيمة طاهره تزهى بثوب الشعــــــــــاير
بالله اكبر تقوم .. وبالله اكبر تنـــــــام
كل دار يجيها فيصل الخير زايـــــــــــــر
والله ان جيته فيها بلوغ المــــــــــرام
توجت راسها ولباسها والظفـــــايـــــر
وصدرها في قدومه يلبس اغلى وسام
يالبشاير ولك في الحسن وصف مغـــاير
انتي مانتي بحيالله ثرى والســـــــــلام
يكفي ان اسمك احلى اسم بين العشـاير
كيف لاصرتي الما والهوى والكـــــلام
اقبل الخير في جية فنار الفنــــــــــاير
اش عليك ان غديتي له على مايـــــرام
الزهر والقمر والشمس حولك نثــــاير
واخضر العشب تحت اقدام شمسك ركام
كلما الليل خيم في ركاب الحــــــــواير
البشاير تجي صبح يشق الظـــــــــــلام
والزمن لاحمى قيظه وشب الهجـــاير
تقبل ارض البشاير مثل وبل الغمــــام
والفضا لاغدى نار ودخــــان وذخــاير
البشاير تجيك اجمل حمامة ســــــــلام
غادة تبسط ايديها زهور و حــــــــراير
في رضا من دفع خطواتها للامـــــام
افرحي به وغني به مع كل طايـــــــــر
بادليه المحبه والرضا والغــــــــــرام
انتشي وانعشي قلب في الطهر غــــــاير
افرشي الورد لانجال الملوك العظــام
خالد الفيصل الشامخ بوسط الضمـاير
وفيصل الخالد الشهم الكريم الهمــام
رفرفي غطرفي رفي وزفي البشــــاير
شرفي روضك بجية رفيع المقــــام
جيتك ياطويل العمر تملى النظــــاير
كل قلب تغنى في قدومك وهــــــــام
طلة شامخه فيها شمـــوخ المنــــاير
جية اللي سجد لله وصلى وصـــــام
رحب الريف وانفاس المدن والعمــاير
والمشاريف وبيوت الشعر والخيـام
الحجر والشجر صارت قلوب بصـــاير
جاوبت باسم فيصل ساجعات اليمــام
في دمانا عهد والعهد في الدم فـــــاير
مانخلي الوطن والعز بالله يظـــــــأم
منهج الحق منهجنا ولو صار صــــاير
ماتغير مبادينا وجيه العتــــــــــــام
كلنا خلف ركب الفهد والركب ســــاير
له علينا الولا والحب والاحتـــــرام
من ديار ثراها ماوطى فيه بــــــــــاير
حظها والرجا بالله تعزوى وقـــام
كل شور مع شوره نشير ونخــــــاير
الا في الدين وتراب الوطن والنظام
كلنا نصبح اقطار وشعوب ومصـــاير
صوت واحد ولو نبقى ثلاثين عـام
مثلما قال ابو متعب نقي السرايــــــر
وحن مع صوت ابو متعب نشد الحزام
لين باكر على الباغي تدور الـــدواير
وراعي الشر نكسر في يديه السهام
مرحبا مرحبا مليون ياخير زايـــــــــر
زارنا الخير يانجل الملوك الكــــــرام
الشاعر والاعلامي سعد زهير
ليست هناك تعليقات:
إرسال تعليق